Линктер

ЧУКУЛ КАБАР!
13-Апрель, 2021 шейшемби, Бишкек убактысы 06:25

Австралияны суу каптады


Австралияда мындан мурда да 2011-жылы сел жүргөн эле. (Сүрөт архивден).

Нөшөрлөп жааган жаандан улам пайда болгон суу ташкыны шаарларды жана эл жашаган аймактарды каптады.

Өлкөнүн эл эң жыш жашаган Түштүк Уэльс штатынын өкмөт башчысы Глэдис Береджиклян 21-мартта брифинде маалымдагандай, сел ташкыны күтүлгөндөн алда канча катуу болуп кеткен:

«Кечээ биз 20 жылдан бери боло элек суу ташкыны кайталанат деп күткөн болсок, бүгүнкү кырдаал жарым кылымда бир болуучу ташкынды эске салды», – деди Бережиклян.

Анын айтуусунда Сиднейдин түндүк-батышында жашаган адамдар турак-жайын таштап кетүүгө аргасыз болушууда. Миңдей адам эвакуацияга жардам сурап кайрылган.

Маалымат каражаттарында жана социалдык тармактарда жарыяланган тасмаларда катуу келген сел ташкыны үйлөрдү, жолдорду кыйратып, бак-дарактарды талкалап жатканын көрүүгө болот. Бийлик жүздөгөн имараттар жабыркаганын маалымдоодо.

Штаттагы ири жолдор жабылып, мектептерде окуу токтотулду. Маалымат каражаттары сел коронавируска каршы вакцинаны аймакка жеткирүүгө да тоскоолдук жаратканын жазышты. 8 млн. калкы бар Түштүк Уэльс штатына вакцинанын 6 млн. дозасын жеткирүү максат кылынган.

Метеорологдор нөшөр дагы бир нече күн уланарын кабарлашууда.

Пикирлерди көрүңүз

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

XS
SM
MD
LG