Линктер

ЧУКУЛ КАБАР!
23-Сентябрь, 2021 бейшемби, Бишкек убактысы 15:03

Кыргызстан менен Өзбекстан электр кубатын алмашууну макулдашты


Кыргызстандагы Токтогул ГЭСи.

Токтогул суу сактагычына сууну топтоо жана Өзбекстандагы айыл чарба керектөөчүлөрүн суу менен камсыздоо максатында эки мамлекет макулдашууга жетти. Бул тууралуу Энергетика жана өнөй жай министрлиги маалымат таратты.

Ага ылайык 2021-2023-жылдардагы айдап-себүү мезгилинде Өзбекстандан 750 млн. кВт саатка чейинки электр кубаты шарттуу баа менен Кыргызстанга жеткирилет. Тактап айтканда, Өзбекстан Кыргызстанга электр энергиясын жеткирүүнү 2021-жылдын март айынан октябрь айына чейин жана 2022-жылдын март-апрель айларында жүзөгө ашырат. Кыргызстан бул көлөмдөгү электр энергияны Өзбекстанга 2021-2023-жылдардын июнь айынан август айларында кайтарып берет.

Энергетика жана өнөр жай министри Кубанычбек Турдубаев 24-мартта Жогорку Кеңеште "Токтогул ГЭСиндеги суунун көлөмү кооптуу чекке жетти" деп билдирген. Министр электр кубатын алуу боюнча Казакстан жана Өзбекстан өкмөттөрү менен сүйлөшүүлөр жүрүп жатканын кошумчалаган.

Токтогул гидроэлектр станциясын (ГЭС) камсыздоочу суу сактагычтагы суунун көлөмү 2021-жылдын 25-мартына карата 8 млрд. 788 млн. куб метрди түзүп турат.

Токтогул ГЭСи Кыргызстанда электр кубатынын 33% өндүрөт. Суу сактагычка 19 млрд. куб метр суу батат. (MiK)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG