Линктер

ЧУКУЛ КАБАР!
14-Апрель, 2021 шаршемби, Бишкек убактысы 18:59

Дзюдочу Владимир Золоев Азия жана Океания чемпиону болду (видео)


Владимир Золоев атаандашы менен. (оң жактагы)

Кыргызстандык спортчу Владимир Золоев ушул күндөрү Бишкекте өтүп жаткан дзюдо боюнча Азия жана Океания чемпионатында алтын байге алды.

Бүгүн, 7-апрелде 81 килограммга чейинки салмакта татамиге чыккан Золоев финалда түштүк кореялык Ли Мун Жинди жеңди.

Финалдык беттешке чейин кыргыз дзюдочусу үч беттеш өткөргөн. Алгач жарым чейрек финалда сириялык Мохаммад Касемди иппон менен жеңди. Чейрек финалда түштүк кореялык Сунгхо Лини дагы иппон менен жыкты.

Жарым финалда монголиялык дүйнө чемпиону Саид Моллаеини жеңип, финалга жолдомо алган эле. Бул салмакта коло байге монголиялык Саид Моллаеи менен өзбекстандык Шорафиддин Болтабоевге буйруду. Бүгүн эркектер арасында 73 кг., 81 кг., кыз-келиндер арасында 63 кг., жана 70 килограммга чейинки салмакта спортчулар күч сынашты.

Дзюдо боюнча Азия жана Океания чемпионаты 9-апрелге чейин уланат.

Учурда Кыргызстандын куржунуна эки байге чогулду. 6-апрелде 60 килограммга чейинки салмакта Кубанычбек Айбек уулу коло байгенин ээси болгон.

Пикирлерди көрүңүз

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

XS
SM
MD
LG