Линктер

ЧУКУЛ КАБАР!
11-Май, 2021 шейшемби, Бишкек убактысы 17:18

Айзаданы өлтүрүүгө шектүү Замирбектин сөөгү жерге берилди


Алай районунун Жаңы-Турмуш айылындагы көрүстөн.

27 жаштагы Айзада Канатбекованы уурдап, өлтүрүүгө шек саналган 36 жаштагы Замирбек Теңизбаевдин сөөгүн Ош облусунун Алай районундагы Жаңы-Турмуш айылында 10-апрель күнү жерге беришти. Бул тууралуу "Азаттыктын" кабарчысы жеринен билдирди.

Теңизбаевдин сөөгүн 10-апрель күнү таңга маал Бишкектен алып келишкен. Анын ата-энеси жана туугандары 25 жыл мурда көчүп кеткен айылына чогулду. Алар окуя тууралуу комментарий берүүдөн баш тартышты.

Бишкекте 5-апрелде уурдалган Айзада Канатбекованын сөөгү 7-апрелде табылган. Бишкек шаардык милициясы аны уурдоого шек саналган 31 жаштагы Замирбек Теңизбаев кызды муунтуп өлтүрүп, андан кийин өзүнө бычак сайып каза болгонун билдирди.

Бул окуя коомчулукта милицияга карата сынды күчөттү. Бишкек менен Ошто ИИМдин жетекчилигинин кызматтан кетишин талап кылган акциялар өттү.

Ички иштер министринин 9-апрелдеги буйругу менен Бишкек шаардык ички иштер башкармалыгынын башчысы Бакыт Матмусаев баштаган 10дон ашуун кызматкер иштен алынып, дагы 30дан ашуун кызматкер түрдүү кызматтык жазага тартылганы кабарланды. (DU)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG