Линктер

ЧУКУЛ КАБАР!
11-Май, 2021 шейшемби, Бишкек убактысы 23:34

Ысык-Көлдө сабалган уландын абалы оор


Иллюстрациялык сүрөт.

Ысык-Көл облустук ички иштер башкармалыгынын басма сөз катчысы Сталбек Усубакуновдун "Азаттык" радиосуна маалымдашынча, 9-апрелден 10-апрелге караган түнү Каракол шаарынын Кашка-Суу кичи районунда 17 жаштагы улан облустук ооруканага түшкөн.

Дарыгерлер жабырлануучунун баш сөөгү сынганын жана анын абалы учурда оор экенин билдиришти.

"Өспүрүм Кашка-Суу кичи районунда теңтуштары менен футбол ойноп жаткан кезде белгисиз балдар келип чакырып кеткен. Сүйлөшүү учурунда аны чакырган бейтааныш балдардын бири ыргыткан таш баланын башына тийген", - деди Сталбек Усубакунов.

Бул факты Жазык кодексинин 266-беренеси ("Ээн баштык") менен сотко чейинки өндүрүшкө алынды.

Иликтөө иштеринин натыйжасында 10-апрель күнү Ак-Суу районунун Ташкыя айылынын бир нече тургундары шектүү катары кармалды. Алар Каракол шаардык ички иштер бөлүмүнө жеткирилген. Тергөө уланууда.(KS)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG