Президент Садыр Жапаровду коштоп бараткан кортеждеги бир автоунаанын кырсыкка кабылышына байланыштуу кылмыш иши козголду. Башкы прокуратуранын басма сөз кызматы билдиргендей, иликтөөнү Ысык-Көл облустук прокуратурасы жүргүзүп жатат.
4-июнда Жапаровду коштоп бараткан автоунаа Ысык-Көл районунун Ананьево айылында каршы тилкеге чыга калган жеңил машина менен сүзүшкөн. Баштапкы маалыматта айтылгандай, каршыда келаткан машинанын айдоочусу мас болгон.
Аварияда Улуттук коопсуздук комитетинин (УКМК) 9-кызматынын бир офицери каза болуп, үч адам жабыркаганы расмий кабарланган.
Дагы караңыз
Facebook шеринеси