Ысык-Көл облусунда жеке ишкерлерден акча талап кылган уюшкан кылмыштуу топтун активдүү мүчөлөрү, Бостери айылынын үч тургуну кармалды. Ыкчам-тергөө иштеринин жүрүшүндө шектүүлөр баңгизатын мыйзамсыз сактап жүрүшкөнү да аныкталды.
Бул фактыны Ысык-Көл облустук милициясы Жазык кодексинин “Баңгизат каражаттарын, психотроптук заттарды жана алардын аналогдорун мыйзамсыз даярдоо” беренеси менен каттады.
11-июлда шектүүлөрдүн экөө “Инфинити” автоунаасы менен бара жатканда, Бостери айылынын көчөлөрүнүн биринде милиция кызматкерлери тарабынан токтотулган. Алардын машинесинен 16-калибрдеги колго жасалган кесилген ок атуучу курал табылганы кабарланды.
Маалыматта кармалгандардын жанынан кара куурайдын жытына окшош 12 грамм зат алынганы да айтылат. (BTo)
Дагы караңыз
