Линктер

ЧУКУЛ КАБАР!
26-Ноябрь, 2022 ишемби, Бишкек убактысы 16:22

СOVID-19: вакцина албаган дагы бир бейтап кайтыш болду


Коронавируска каршы республикалык ыкчам штабдын бүгүнкү, 22-декабрга берген маалыматына караганда, өткөн суткада Кыргызстанда COVID-19 вирусунан бир киши кайтыш болду. Каза болгон жаран вакцина алган эмес.

Ушуну менен 2020-жылдын март айынан бери вирустан 2 787 киши көз жумду.

Соңку бир суткада 50 адам коронавирусту жаңы жуктурганы аныкталды.

  • Бишкек шаары - 18
  • Жалал-Абад облусу - 10
  • Чүй облусу - 5
  • Ош шаары - 1
  • Ош облусу - 10
  • Баткен – 1
  • Нарын облусу -1
  • Ысык-Көл облусу - 4.

Азыркы учурда өлкө боюнча 649 бейтап коронавирустан дарыланып жатат. Алардын 295и ооруканада болсо, 345 киши медициналык жардамды үйүнөн алууда.

Өлкөдө COVID-19га каршы алты түрдүү вакцина акысыз сайылууда. 21-декабрга карата 1 млн. 200 миңдей адам эмдөөдөн өттү. Алардын 1 млн. жакыны эки дозаны тең сайдырышты.

Вирустун жаңы түрүнө байланыштуу 1-декабрдан тарта Кыргызстанга чек арадан кирген ар бир адамдан коронавирус жоктугун тастыктаган милдеттүү ПЧР-тест талап кылынат. Чет элдиктер да, кыргызстандыктар да вакцина алганына карабай, тесттен өтүүгө тийиш. "Омикрон" штаммы катталган өлкөлөрдүн жарандары Кыргызстанга киргизилбейт. Өлкө аймагында вирустун жаңы түрү катталган эмес.

Facebook шеринеси

XS
SM
MD
LG