Зеленский мыйзамдарды десоветизация кылуу жөнүндө мыйзамга кол койду
Украинанын президенти Владимир Зеленский өлкөнүн мыйзамдарын десоветизация жөнүндө мыйзамга кол койду. Бул тууралуу Жогору Раданын сайты жазды.
Парламенттин төрагасы Руслан Стефанчук бул документ СССРдин жана Украин ССРинен калган мамлекеттик бийлик жана башкаруу органдарына байланыштуу 1200 актыны жокко чыгарарын маалымдады.
Москванын соту журналист Александр Невзоровду сыртынан камакка алды
Москванын Басманный райондук соту Украинадагы согушту айыптаган журналист Александр Невзоровду сыртынан камакка алды.
Мунун алдында Орусиянын Ички иштер министрлиги Невзоровго издөө жарыялаган. Теле алып баруучу орус армиясы тууралуу чындыкка жатпаган маалымат таратууга шектелүүдө.
Орусия Украинага кол салгандан бери 223 бала каза тапты
7-майдын таңында берилген маалыматка ылайык, Орусиянын кол салганы 223 бала каза тапса, 410у жараат алганын Украинанын башкы прокуратурасы билдирди.
Бирок бул сандар атышуу болгон, убактылуу оккупацияланган жана бошотулган аймактардагы тактоо иштери бүткөндөн кийин өзгөрүүсү мүмкүн.
Эл аралык донорлор Украинага 6,5 млрд. доллар каражат чогултту
Варшавада бейшемби күнү болгон эл аралык донорлордун конференциясында Украина үчүн жалпы дүйнө коомчулугунан6,5 млрд. доллар каражат чогулганы маалым болду.
Бул тууралуу Польшанын премьер-министри Матеуш Моравецкий билдирди. Чогулган каражат украиналыктарга гуманитардык жардам жана өлкөнү кайра калыбына келтирүүгө багытталган.
Конференцияда Украинанын президенти Владимир Зеленский видео байланышка чыгып сүйлөдү. Ал бийлик согуштан кийинки жапырт калыбына келтирүү планын түзүп жатканын айтты. Киев экономика мектебинин алдындагы KSE Institute аналитикалык борборунун эсеби боюнча, Украинанын согуштан берки чыгымы азыркы тапта 600 млрд. долларга чукулдап калды.