Линктер

ЧУКУЛ КАБАР!
28-Март, 2024-жыл, бейшемби, Бишкек убактысы 18:50

УКМК: “Ак-Тилек” өткөрмө бекетиндеги коррупциялык схема аныкталды


Атайын кызмат тараткан сүрөт.
Атайын кызмат тараткан сүрөт.

Кыргыз-казак чек арасындагы “Ак-Тилек” бекетинде жүк өткөрүүдөгү коррупциялык схемага шек саналып Мамлекеттик салык кызматынын, Транспорт жана коммуникациялар министрлигинин кызматкерлери кармалды. Бул тууралуу Улуттук коопсуздук кызматы (УКМК) маалымдады.

Атайын кызмат тараткан маалыматка ылайык, “Ак-Тилек” өткөрмө бекетиндеги салмак-габариттик көзөмөлдөө жайынан айрым жүктөрдү каттоодо товарлардын наркы жана көлөмү төмөн көрсөтүлгөн. УКМК жемкорлук схема менен салык кызматкерлери жүк ташуучу автоунаалардын ар биринен 3 миң сомдон 10 миң сомго чейин, салмак-габариттик көзөмөл пунктунун кызматкерлери ашыкча жүктөрдү текшербей эле 1000-2000 сомдон акча алып турушканын билдирди.

Атайын кызмат 25-февралда 13-12 миң сом алып жаткан салмак-габариттик көзөмөл пунктунун эки кызматкери, 5500 сом алып жаткан салык кызматкери кармалганын билдирди. Учурда коррупцияга шек саналгандар камакка алынып, тергөө башталды.

Эки күн мурда Транспорт жана коммуникация министрлигинин салмак-габариттик көзөмөл пунктунун эки инспектору дагы пара менен камалганы кабарланган.

Статистикага ылайык, Кыргызстан 67-80% чейин товарларды сырттан импорттойт. Андагы аткезчилик жана мыйзамсыз ишкердиктен турган көмүскө экономиканын көлөмү ички дүң өнүмдүн 37% барабар.

Министрлер кабинетинин төрагасы Акылбек Жапаров бажы жана салык тармагындагы чийимдерди аныктап, экономиканы көмүскөдөн чыгаруунун эсебинен 2024-жылга чейин мамлекеттик бюджетти 600 миллиард сомго чейин толтурууга убада берген. (TSh)

Facebook шеринеси

XS
SM
MD
LG