Линктер

ЧУКУЛ КАБАР!
7-Июль, 2022 бейшемби, Бишкек убактысы 13:08

Акылбек Жапаров менен Абдулла Арипов телефондон алаканы талкуулады


Акылбек Жапаров менен Абдулла Арипов.

Министрлер кабинетинин төрагасы Акылбек Жапаров Өзбекстандын премьер-министри Абдулла Арипов менен телефондон сүйлөштү. Бул тууралуу өкмөттүн басма сөз кызматы кабарлады.

Анда тараптар "гуманитардык, соода-экономикалык кызматташты талкуулады. Алака-катышка байланыштуу эки тараптуу макулдашууларды ишке ашырууга даярдыгын билдиришти", деп айтылат маалыматта.

Өткөн аптада эки өлкөнүн президенттери Садыр Жапаров менен Шавкат Мирзиёев дагы телефондон сүйлөшүп, алака-катышты, анын ичинде чек ара маселелерин талкуулаган.

Бир канча жылдардан бери салкындап кеткен коңшу мамлекеттердин кызматташтыгы Мирзиёев бийликке келгенден кийин кайра жанданган.

Азыр тараптар кыргыз-өзбек чек арасын тактоого аракет кылып жатат. 17-майда Улуттук коопсуздук мамлекеттик комитетинин төрагасы Камчыбек Ташиев менен Өзбекстандын Мамлекеттик коопсуздук кызматынын төрагасы Абдусалом Азизов эки өлкөнүн чек ара тилкесинде жолугушкан.

Анын алдында 5-7-май күндөрү Бишкекте кыргыз-өзбек чек арасын тактоо боюнча жумушчу топтордун жолугушуусунда демаркацияны жөнгө салуучу документтин долбоору ортого салынган.

Эки өлкө ортосундагы чек аранын узундугу 1378 чакырымды түзүп, 2017-жылдагы макулдашуунун негизинде анын 1170 чакырымы (85%), андан кийин дагы 13% такталган.

Быйыл кыргыз-өзбек чек арасында мыйзамсыз жүк өткөрүүгө аракет кылган деп, кыргызстандык жарандарга өзбек чек арачылары ок аткан эки учур катталды.

Facebook шеринеси

XS
SM
MD
LG