Линктер

ЧУКУЛ КАБАР!
24-Июнь, 2024-жыл, дүйшөмбү, Бишкек убактысы 16:00

Байден: Орусия Украинаны жок кылууну көздөйт


АКШнын президенти Жо Байден жапон премьер-министри Фумио Кисида менен биргелешкен маалымат жыйынында. Токио, 23-май, 2022-жыл.
АКШнын президенти Жо Байден жапон премьер-министри Фумио Кисида менен биргелешкен маалымат жыйынында. Токио, 23-май, 2022-жыл.

АКШнын президенти Жо Байден орус президенти Владимир Путинди "Украинаны жок кылууга аракет кылып жатат" деп айыптады. Ал бул сөзүн 23-майда Токиодогу маалымат жыйынында айтты. Азияда иш сапары менен жүргөн Байден Орусиянын Украинада мектептер, театрлар, ооруканалар жана музейлер сыяктуу жарандык инфраструктураны бомбалаганы Путиндин чыныгы ниетин ашкерелеп жатканын кошумчалады.

"Менимче, Путин аракет кылып жаткан нерсе - бул Украинанын иденттүүлүгүн жок кылуу", - деди Байден. "Ал басып ала албайт, бирок анын иденттүүлүгүн жок кылууга аракет жасай алат".

Расмий Киев Орусия басып киргенден бери Украинада 10 миңден ашуун болжолдуу согуш кылмыштарын аныктаганын, орус күчтөрү үрөй учурган киши өлтүрүү фактыларына күнөөлүү экенин билдирип келет. Орусия жайкын тургундарга ок атканын четке кагып жатат.

Орус бийлиги Украинадагы аракеттерин согуш деп атабай, аны "атайын аскердик операция" деп мүнөздөйт. Орусиялык күчтөр Украинага басып кирер алдында Путин телекайрылуу жасап, Украинанын "чыныгы мамлекеттүүлүгү" болбогонун айткан.

Байден Токиодогу сөзүндө Путин "Украинадагы жапайычылыгынын" кесепетин тартышы керектигин, бул башка өлкөлөр Орусиянын аракетин кайталабашы үчүн зарыл экенин белгиледи.

Facebook шеринеси

XS
SM
MD
LG