УКМКнын төрагасы Камчыбек Ташиев Кыргызстанда "коррупциянын куйругу кыркылып, эми башы калганын" билдирди. Мындай билдирүүнү атайын кызматтын башчысы коррупцияга каршы күрөш күнү жарыялап, жаңы жылдан тарта жемкорлорго жеңилдик болбой турганын убада кылды. Ал тапта бажы тармагында коррупциялык схеманы түзүүгө айыпталган Райымбек Матраимов 100 миң сом айыппулга жыгылганы белгилүү болду. Матраимов буга чейин мамлекеттик бюджетке 200 миллион доллар төлөп бергени кабарланган. Кыргызстанда коррупцияга каршы күрөштүн жаңы этабы кандай болот? Бул суроолорго “Эксперттер талдайт” берүүсүндө  жооп издеп, бирге талкуулайбыз.