Италиянын Модена шаарында айдоочу унаасы менен адамдарды сүзүп, андан соң бычак менен кол салууга аракет кылды. Сегиз адам жабыркады, алардын төртөөнүн жарааты оор, баары ооруканага жеткирилди. Бул тууралуу 16-майда Италиянын ANSA агенттиги билдирди.
Учурда айдоочу сурак берип жатат. Моденага жакын Болоньядан чыккан il Resto del Carlino гезитинин жазышынча, ал 31 жашта, Италияга Мароккодон барган үй-бүлөдө туулган жана бул өлкөнүн жараны макамы бар. Басылманын маалыматы боюнча, окуя болгон учурда ал алкоголдун же баңгизаттын таасири астында болгон эмес.
Италиянын премьер-министри Жоржа Мелони окуяны "өтө олуттуу" деп атады. "Жабыркагандарга жана алардын үй-бүлөлөрүнө көңүл айтам. Кылмышкерди токтотуу үчүн кайраттуулук менен кийлигишкен жарандарга, ошондой эле ыкчам реакциясы үчүн укук коргоо органдарына ыраазычылык билдирем", - деди ал.
Италиянын вице-премьери жана оңчул-консервативдик "Лига" партиясынын лидери Маттео Сальвини айдоочу "мигранттардын экинчи муунунун" өкүлү экенин белгиледи.
Шерине