Жаңы окуу жылы: балдардын 60% кыргыз, 40% орус тилдүү класска кирди

Быйыл Кыргызстанда 147 миңге жакын окуучу 1-класска барды. Агартуу министрлиги мектеп босогосун аттаган балдардын 60% кыргыз, 40% орус тилдүү класстарга барганын билдирди. Бишкек жана башка ири шаарларда орус тилдүү мектептерге талап күч бойдон калууда. Ошол эле маалда айрым жеке менчик мектептер кыргыз тилине басым жасай баштаган учурлар байкалат.