Бишкек шаарынын мэриясы борбор калаада жылытуу мезгили 28-октябрдан тарта башталарын кабарлады.
Мындай чечим абанын температурасынын төмөндөшүн, гидрометеорологиялык кызматтын аба ырайы боюнча болжолун, ошондой эле турак үйлөрдү жана социалдык объектилерди жылытуу үчүн электр энергиясын керектөөнүн көбөйүшүнө байланыштуу электр тармактарына түшкөн жүктү азайтуу үчүн кабыл алынган.
Эреже боюнча абанын орточо суткалык температурасы беш күн катары менен +8 °Cден жана андан төмөн болгон учурда жылытуу мезгили башталат.
Адатта жылуулук биринчи социалдык объектилер: мектеп, бала бакча, медициналык мекемелер, төрөт үйлөрү жана социалдык коргоо уюмдарына, андан соң көп кабаттуу турак үйлөр жана жеке секторго берилет.
Министрлер кабинети 2024-жылы Бишкек жылуулук электр борборун (ЖЭБ) Бишкек шаарынын муниципалдык менчигине өткөрүп берген. (BTo)
Шерине