Казакстанда коронавирустан бир аял каза болгонун 26-мартта кечинде маалымат жана коомдук өнүгүү министри Даурен Абаев билдирди.
Учурда коңшу мамлекетте төрт адамдын абалы оор. Илдетти жугузуп алгандардын саны жүздөн ашты.
Казакстандын Алматы, Нур-Султан жана Чымкент шаарларында 28-марттан тартып карантин чаралары күчөтүлөт. Аларга ылайык, шаар тургундарына үйлөрүнөн азык-түлүк, дары-дармек алууга жана жумушка барып келүүгө гана уруксат берилет. Бардык сейилдөөчү жайлар, балдар аянтчалары жабылат. Коомдук транспорттун жүрүшү чектелет. Үч кишиден ашуун жолугууга тыюу салынат.