Линктер

ЧУКУЛ КАБАР!
18-Январь, 2022 шейшемби, Бишкек убактысы 16:37

Шайлоо: добуштар кол менен саналууда


Корутунду

29-ноябрда түнкү саат 2деги БШКнын сайтындагы маалыматка ылайык, 5% босогодон алты партия өттү.

Алар: “Ата-Журт Кыргызстан” – 16,41%, “Ишеним” – 13,17%, “Ынтымак” – 10,62%, “Альянс” – 8,06%, “Бүтүн Кыргызстан” – 6,58%, “Ыйман Нуру”партиясы – 5,93% добуш алды.

Келген шайлоочулардын 2,11% же 26927 жаран “баарына каршы” деген добуш берген.

Парламенттик шайлоого 1 миллион 275 239 жаран келди. Бул шайлоого укуктуу жарандардын 34,43% түзөт.

Кыргызстандын Жогорку Кеңешинин депутаттыгына бир мандаттуу 36 шайлоо округунан 282 талапкер ат салышты.

Борбордук шайлоо комиссиясынын (БШК) маалыматына караганда, талапкер болууга дегенде 381 жаран арыз берип, алардын 330у катталган. Кийинчерээк 47си өз арызы менен, экөө БШКнын чечими менен талапкерликтен чыгарылган.

Ошондой эле 21 партиянын тизмесинде 1004 талапкер депутаттык мандат үчүн күрөштү.

Кыргызстандагы жаңы шайлоо мыйзамдарына ылайык, бул ирет 90 депутатка мандат берилет. Партиялардан 54, бир мандаттуу округдардан 36 депутат шайланат.

Бул жолу шайлоочулар эки бюллетень менен добуш берди.

20:26 30.11.2021

Парламенттик шайлоого байкоо салган "Клооп" басылмасы бир катар добуш берүү тилкелеринде протоколдор кайра жазылганы тууралуу видеону 30-ноябрда жарыялады.

Басылманын маалыматына караганда, бюллетендерди кол менен эсептеген протоколдордун көчүрмөлөрү адегенде байкоочуларга берилген эмес. Кийинчерээк шайлоо комиссиясынын мүчөлөрү протоколду жапырт түрдө кайра жазып чыгышкан. Анын себебин так түшүндүрө алышкан эмес.

"Клооптун" байкоочулары ушул өңдүү фактылар жазылган видеолорду Сокулук, Өзгөн райондорунан, Ош шаарынан тартышкан. Буга азырынча Борбордук шайлоо комиссиясынан түшүндүрмө алууга мүмкүн болгон жок.

20:25 30.11.2021

Экс-депутат Элвира Сурабалдиева Бишкектин Биринчи май районундагы бир мандаттуу округдан парламентке ат салышат.

28-ноябрдагы Жогорку Кеңешке шайлоодо борбор калаанын Биринчи май жана Свердлов райондорунан талапкер болгондор колдоого ээ болгон эмес. Шайлоого келгендердин көбү "баарына каршы" деген добуш беришкен. Мындан улам эки округдагы шайлоо жыйынтыгы жокко чыгарылган.

Элвира Сурабалдиева парламенттин алтынчы чакырылышына депутат, 2020-жылы бийлик алмашканда кыска мөөнөткө вице-премьер-министр болуп иштеген.

20:23 30.11.2021

Тышкы иштер министри Руслан Казакбаев парламенттик шайлоого көз салган эл аралык миссиянын өкүлдөрү менен жолукту.

Эл аралык байкоочулар шайлоо атаандаштыкта, ачык жана айкын уюштурулганын маалымдашты. Миссия өлкөдөгү кардиналдуу өзгөрүүлөрдү, ошондой эле жаштар менен аялдарга көбүрөөк мүмкүнчүлүк берүү зарылдыгын белгиледи. Маттео Мекаччи шайлоонун жыйынтыгы боюнча эки айдын ичинде эл аралык миссиянын акыркы отчету жиберилерин билдирди.

Казакбаев дүйнөнүн 60 өлкөсүнөн 700дөн ашуун эл аралык байкоочу шайлоо процессине байкоо жүргүзгөнүн белгиледи.

15:51 30.11.2021

Дагы жүктөңүз

Facebook шеринеси

XS
SM
MD
LG