Ысык-Көл
Облуста ооруган адамдардын саны көбөйүүдө. Караколдо ачылган стационарларга жакынкы айылдардын тургундары да көп кайрылып жатышат.
Жайдын бул күндөрүндө Ысык-Көлдүн жээгинде эс алгандар көбөйүп, туристтик сезон жанданып калчу. Быйыл көл жээгинде эс алгандар аз экенин көрүүгө болот.
Ээнсиреген Ысык-Көл
Каракол: ээнсиреген көл жээги
Ысык-Көлгө эс алганы баргандар азайгандан бери такси айдоочуларынын да жумушу солгундады.
Ысык-Көл: Эл ташыган айдоочулар ишсиз калды
Ал арада АКШда жүргөн ыктыярчы жаштар акча топтоп, Балыкчыдагы оорукана үчүн 12 кычкылтек концентраторун алып беришти.
Ош облусу
Өзгөн районуна караштуу Куршаб ооруканасынын үй-бүлөлүк дарыгерлер борборунун башчысы Гүлмира Өмүржанова видео кайрылуу таратып, жардам сураганы үчүн кызматынан төмөндөтүлдү. Аталган оорукананын жетекчисинин орун басары Тургунбай Кадыров дарыгер жамаат менен кеңешпей, туура эмес маалымат таратканы буга себеп болгонун айтат.
Дарыгердин жардам сураган видео кайрылуусу 8-июль күнү Интернетте тараган.
Куршабдагы оорукананын дарыгерлеринин кайым айтышы
Куршабдагы бул окуя боюнча Жогорку Кеңештин вице-спикери Аида Касымалиева реакциясын билдирди.
Ал "Фейсбуктагы" баракчасына бир дагы медициналык кызматкер коргонуучу каражат жетпей жатканын айтып чыкканы үчүн жазаланбашы керектигин жазды.
Бишкек жана аймактар
Кыргызстанда соңку эки жумада коронавируска чалдыккандар көп катталып, дары-дармек тартыштыгы келип чыкты. Аймактарда жана Бишкекте канды суюлтуучу дарылар, антибиотиктер жана вируска каршы дары-дармек жок болуп жатат.
Илдет көбөйдү, дары азайды
Дары-дармек издегендердин жазгандарын социалдык тармактарда да көрүүгө болот.
Жалал-Абад
Ала-Букалык уз-колдор биригип стационарларга матрас, төшөнчүлөрдү арзан баада тигип жатышат. Айылда токтоп турган цех да ишке кирген.
Фоторепортаж: Уз-колдордун көмөгү
Жалал-Абад: Уз-колдордун стационарга көмөгү
Ал эми Бишкектеги усталар бардык облустардагы ооруканалар үчүн керебет жасай башташты.
Эскертүү!
«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.