Кыргызстанда парламенттик шайлоо өнөктүгү кызый баштады. Шайлоого аттанган партиялар жыйындарын өткөрүп, талапкерлердин тизмесин бекитишет. Жарыштын алдында саясий бийлик, партиялар жана шайлоочулар кайсы жагдайларга көңүл бурушу керек? Бул суроолорду «Эксперттер талдайт» берүүсүндө талкууладык. Ага «Ата Мекен» партиясынын лидери Өмүрбек Текебаев, «Бүтүн Кыргызстан» партиясынын лидери Адахан Мадумаров, «Мекеним Кыргызстан» партиясынын лидери Мирлан Бакиров жана саясий пиар боюнча адис Азим Азимов катышты.