Президент К.Бакиев Арал боюнча Алма-Ата саммитинде Кыргызстандын суу-энергетикалык кызыкчылыктарын ачыктады. Жогорку Кеңеш Кумтөр боюнча жаңы келишимди ратификациялады. “Ак жол” партиясы президенттикке талапкерин бекитти.
1-майда Бишкекте “Ак жол” элдик партиясынын курултайы болуп, анда 23-июлга белгиленген президенттик шайлоого талапкер көрсөтүлдү. Талапкер катары бир добуштан азыркы президент Курманбек Бакиевдин ысмы аталды.
28-апрелде Борбор Азия мамлекеттеринин президенттери Алма-Ата шаарына чогулуп, Арал деңизин сактоо маселесин талкуулашты. Жыйынга Кыргызстан президенти Курманбек Бакиев да катышып, Аралдын азабы сууну сугатка ашыкча пайдаланууда экенин белгиледи.
Өкмөт жактырган Кумтөр боюнча жаңы келишим дүйшөмбүдө ЖКнын Эл аралык иштер жана парламенттик кызматташуу комитетинде каралып, келишим жактырылды. Парламент аны 30-апрелде карамакчы.
Оппозиция президенттикке бирдиктүү талапкерин жарыялады. Өкмөт Кумтөр боюнча жаңы келишимге жетишти. “Ак жол” партиясынын төрагасынын милдетин аткаруучу Элмира Ибраимова президентке кайрылуу менен чыкты.
Жогорку Кеңештин депутаты Санжарбек Кадыралиевди атып кетишти. Аксыда жер көчкүдө 16 адам каза тапты. Курманбек Бакиев президенттик шайлоого чет мамлекеттер таасир тийгизиши ыктымалдыгын билдирди, оппозиция бирдиктүү талапкерин тандады.
Президенттин Катчылыгы оппозициянын 27-мартта митинг учурунда кабыл алган талаптарына 17-апрелде жооп берди. Жоопто оппозициянын айрым талаптары мыйзамга жана конституцияга каршы келери, айрымдары президенттин жаңы багытында аткарылып жатканы белгиленген.
И.Чудинов Жогорку Кеңештин комитеттеринде өкмөттүн 2008-жылдагы иши боюнча отчетун бере баштады. 14-апрелде Конституциялык мыйзамдуулук жана мамлекеттик түзүлүш боюнча комитетинде отчет угулду.
Президенттик шайлоого катышуу ниетин билдирип төрт жаран БШКага арызын берди. Ал эми негизги күчтөр болгон бийлик менен оппозициялык Бирдиктүү Элдик Кыймыл өз талапкерин атоого шашпай турат.
Камбар-Ата ГЭСинин курулушуна каршы кошуналар ортосунда сүйлөшүүлөр жүрдү. Жол кырсыгында М.Садыркулов каза тапканы ырасталды. Президенттикке талапкерлер атала баштады.
Жарандык уюмдар БШКнын азыркы курамына ишенич жоктугун белгилеп, аны реформалоо маселесин көтөрүп жатышат. Алардын жүйөөсүндө өткөн парламенттик шайлоолор бузуп-бурмаланган жана расмий жыйынтыгы алиге чыга элек. Жарандык уюмдардын мындай сын-дооматтарын БШКнын мурдагы мүчөсү, “Курманжан даткан” коомдук бирикмесинин төрайымы Жылдыз Жолдошевага узаттык.
Өткөн жылы Кумтөр кенинен Кыргызстанга бир миллиард 800 млн сом киреше түштү. Ошол эле учурда калган тоо-кен ишканаларынын “түшүмү” жакшы болгон жок. Кен байлыктарды иштетүүнүн оош-кыйыштары жөнүндө “Азаттык” үчүн Кыргызстан тоо-кенчилер бирикмесинин төрагасы Орозбек Дүйшеев маалымат бөлүштү.
Коопсуздук кеңештин мурунку катчысы Мирослав Ниязов “Азаттыктын” таңкы маегинде бийлик үчүн күрөш, кырдаал, кыргыз калкы кандай жолду тандап алышы керектиги жөнүндө кеп салып берди.
Өлкөдөгү экономикалык кырдаал, Россиянын насыяларын пайдалануу маселелери тууралуу “Азаттыктын” түз ободогу суроолоруна Коомдук палатанын мүчөсү, Экономика илимдеринин доктору Жумакадыр Акенеев жооп берди.
Оппозициялык маанайдагы “Ачык саясат” гезитинин эки кабарчысына кечээ Биринчи май райондук прокуратурасы эскертүү берди. Бул басылманын тегерегиндеги соңку кырдаал боюнча “Азаттыктын” түз ободогу суроолоруна гезиттин башкы редакторунун милдетин аткаруучу Рыскелди Момбеков жооп берди.
"Ак жол" партиясынын саясий кеңешинин мүчөсү, Жогорку Кеңештин депутаты Т. Орозалиев “Азаттыктын” таңкы маегинде партиянын курултайы, президенттин жаңы багыты жана шайлоо тууралуу кеп салып берди.
Кыргызстандагы жарандык жана укук коргоочу уюмдар парламенттик шайлоону бузуп-бурмалап өткөргөн БШКнын азыркы курамына шайлоону ишенип берүүгө болбой турганын белгилешүүдө. Ошондуктан алар президенттик шайлоого байкоочу катары катышуунун кереги барбы-жокпу деген суроонун алдында турушат. Анткени "Кылым шамы" уюмунун лидери Азиза Абдырасулованын айтымында, жарандык уюмдар шайлоого байкоочу катары катышса, шайлоо бузуп-бурмаланган күндө да мыйзамдуу күчкө ээ болуп калат.
Кыргызстанда он миң кишиге эсептелген ири мечиттин курулушуна жер бөлүнүп, “ашар” жолу менен каражат жыйноо улантылууда. Бул иштин жүрүшү жөнүндө “Азаттыкка” Кыргызстандын муфтийи Мураталы ажы Жуманов айтып берди.
"Ата Мекен" партиясынын лидери Өмүрбек Текебаев "Азаттыктын" таңкы маегинде президенттик шайлоого барууга баш тартуусунун себеби, оппозициянын биригүү мүмкүнчүлүгү, программасы тууралуу кеп салып берди.
Бул маселеленин тегерегиндеги “Азаттыктын” түз ободогу суроолоруна Кыргызстандын мурунку вице-премьер-министри, суу-энергетика тармагы боюнча адис Базарбай Мамбетов жооп берди.
Дагы жүктөңүз
