25-августта Түркия Сирия аймагында операциясын улантты. Бул күнү Түркиядагы негизги оппозициялык партиянын лидери Кемал Кылычдароглунун өмүрүнө кол салуу болгону кабарланды.
24-августта Кабулдагы Америка университетине чабуул жасалды. Анда 12 киши өлүп, он саатка созулган атышуудан кийин гана окуу жай тазаланган.
АКШнын мамлекеттик катчысы Жон Керри Сирия кризиси боюнча Орусия менен сүйлөшүүлөр аягына чыгып калганын билдирди.
Кыргызстанда конституциялык реформа боюнча талаш-тартыш күч алды. Сирия согушунда Орусия Ирандын аба майданын колдоно баштады.
АКШ вице-президенти Жо Байден Сербия жана Косового иш сапар менен барды. Анда Байден эки тарапты тил табышууга чакырды. Ал ошондой эле Белградда 1999-жылы НАТОнун чабуулу учурунда жакындарын жоготкондорго көңүл айтты.
2016-жылга Глобалдык инновациялык көрсөткүчтөр жарыяланды. Он жылдан бери Интеллектуалдык менчикти коргоо боюнча дүйнөлүк уюм жана Нью-Йорктогу Корнельск университети тарабынан чыгарып келген кезектеги баяндамада кайсы мамлекеттер лидерликке чыккан? Кыргызстан канчанчы орунга арзыган?
Орусиянын коргоо министри Сергей Шойгу Москва менен Вашингтон Алепподогу гуманитардык кризисти чечүү боюнча орток пикирге жакындап калганын билдирди.
15-августта Орусия менен Германиянын тышкы иштер министрлери жолукту. Анда Украина жана Сирия чатагын жөнгө салуу маселеси талкууланды. Германия министри Франк-Вальтер Штайнмайер Киев менен Москваны кырдаалды курчутпоого чакырды.
Узап бараткан аптада “Ата Мекен” фракциясынын лидери Кыргызстанда өкмөт эмнеге тез-тез алмашып жатканын ачыкка чыгарды. Кыргыз-орус энергетикалык келишимдерин токтотууга акыркы чекит коюлду.
9-августта Санкт-Петербургда Түркия менен Орусия президенттери жолугат. Өткөн жылы ноябрь айындагы учак чатагынан кийин бузулган эки тараптуу мамиленин жаңы барагы ачылары айтылууда.
Узап бараткан аптада Кыргызстанда Конституцияны өзгөртүү боюнча мыйзам долбоору жарыяланды. АКШда президенттик шайлоодогу үгүт өнөктүгү айыгышкан мүнөзгө өтө баштады.
Лондондо колунда бычагы бар адам көчөдө адамдарга кол салды. Бычактоодон бир адам өлүп, бир нече киши жарадар болду. Полиция шектүүнү кармады. Бирок окуяны теракт же башка экени айтыла элек.
Бийлик кезектеги конституциялык референдумду белгилей турганын жарыялады. 2010-жылы кабыл алынган Конституцияны өзгөртүүгө эмне себеп болду?
Арменияда 17-июлдан бери созулган куралдуу кризис аягына чыкты. Еревандагы полиция имаратын басып алган куралдуу адамдар 31-июлда полициянын колуна түшүп берди.
Сирия өкмөтү жана Орусия 30-июлдан тарта Алеппо шаарында коопсуз коридор ачылганын жарыялашты. Куралуу оппозициянын колунда турган Алеппонун чыгыш райондорундагы калк андан пайдаланып, өкмөт даярдаган бекеттерден чыгып кетүүгө мүмкүнчүлүгү бар.
Узап бараткан жумада Кыргызстанда Конституцияны өзгөртүү боюнча кезектеги референдум өтө турганы маалым болду.
28-июлда Орусияда олуттуу кадрдык өзгөртүүлөр жасалды. Бир нече губернаторлор кызматынан бошотулуп, Крым федералдык округу жоюлду.
Кошмо Штаттарда президенттик шайлоо алдында курултайлар өтүүдө. Негизги партиялардан болгон Демократиялык жана Республикалык партиялар талапкерлерин бекитти. Буга чейин ички партиялык праймеризде кармаш күчтүү болуп келсе, эми партиялык талапкерлер ортосунда күрөш күч ала баштады.
Узап бараткан жумада, Германия канцлери Кыргызстанга келди. “Кайран элим, кайда баратабыз?” деген кайрылуу коомдо талаш-тартыш жаратты. Франция жаңы теракттан жабыркады. Түркияда аскердик төңкөрүш жасоо аракети болду.
Британиянын жаңы өкмөт башчысы Тереза Мэй өкмөт куроого киришти. Ал Тышкы иштер министрлигине Лондондун мурунку мэри Борис Жонсонду дайындады. Көптөгөн дүйнөлүк саясатчыларга шакаба чеккенди жакшы көргөн саясатчынын тышкы иштер министри болуп дайындалышы суроолорду жаратууда.
Дагы жүктөңүз
