Аманбек Жапаров,Бишкек Түркиянын белгилүү эстрада ырчысы Мурат Кекили Бишкекке чыгармачылык сапар менен келди. Анын “Акшам” аттуу чыгармасы кыргыз жаштарынын да сүйүктүү ырына айланган. Мурат Кекили “Азаттыктын” кабарчысы менен болгон маегинде ата-бабасынын жери Алатоого алгачкы ирет келгенин билдирди.
«Талант тагдыры» аттуу түрмөгүбүздө Кытайда жашаган кыргыздардан чыккан таанымал обончу-ырчы-аткаруучу Тукаш Жума уулунун жалпы чыгармачылыгы менен тааныштырабыз. Жакында эле Кытайга барып, Тукаш Жума уулуна жолугуп келген Топчубек Тургуналиевди кепке тарттык.
Республикалык «Айтыш» коомдук корунун негиздөөчүсү Садык Шер-Нияз, АКШнын «Вашингтон Пост» газетасынын Москвадагы өкүлчүлүгүнүн директору, журналист Питер Финн менен айтыш өнөрүнүн келечеги жөнүндө «Азаттык» радиосунун студиясында болгон баарлашууга назар салыңыздар.
Дүйшөмбү күнү кечинде Голливудда Америка киноакадемиясынын “Оскар” байгесин ыйгаруу аземи болду. Кино дүйнөсүндөгү өтө кадыр-барктуу сыйлык көпчүлүк билермандар жоромолдоп жаткандай “Авиатор” көркөм тасмасына тийбей калды. Болбосо, Мартин Скорзеце тарткан фильм 11 байгеге көрсөтүлгөн эле.
Кезек «Күүлөр баяны» аттуу түрмөгүбүздө. Залкар комузчу, айтылуу обончу-ырчы Атай Огомбаевдин «Саадак какты» аттуу күүсүнүн чыгыш тарыхы менен тааныштырабыз.
Берлинде өтүп жаткан 55-эл аралык кинофестивалдын аяктаарына саналуу күн калды. 15-февралда анын алкагында Батыштык кино ышкыбоздоруна Кыргызстандык "Айыл өкмөтү" тасмасы көргөзүлдү.
Кечээ Лос-Анжелес шаарында Американын музыка чөйрөсүндөгү эң жогорку сыйлык – "Грэмми" тапшырылды. Андагы башкы байге – "жылдын эң мыкты альбому" сыйлыгы былтыр жайында көз жумган атактуу музыкант Рэй Чарльзга тийди.
Казакстандын Курмангазы атындагы элдик оркестри жана Казак Мамлекеттик Камералык оркестри өткөн аптада Вашингтондо жана Нью-Йоркто атактуу концерт залдарында оюн коюшту. Камералык оркестрде 3 жарым миллион доллардык Страдиваринин скрипкасы да үн кошту, бирок казактардын актаруусундагы Батыштык классикалык музыкасына караганда казактын нукура элдик ыр-күүлөрү чоң кызыгууну жаратты.
Кубат Оторбаев, Прага Декабрда Түштүк Азияда болгон топон суудан 300 миңдей адамдын өмүрү кыйылып, адамзаттын башына чоң кайгы түшкөнү белгилүү. Айрым маалыматтар боюнча кырсыктан жапа чеккендерге карапайым адамдардын эле берген жардамы 10 миллион доллардан ашыптыр. Башкалардай сыяктуу эле дүйнөнүн ар кайсы мамлекеттериндеги музыканттар дагы көмөк көрсөтүүдөн четте калышкан жок.
Азиза Турдуева, Бишкек «Кыргыз көчү» аттуу түрмөгүбүздүн кезектеги чыгарылышында сөз Жусуп Мамайдын манасчылык өнөрү жөнүндө болмокчу. Ушул тапта Кытайдын Шинжаң аймагындагы Кызылсуу кыргыз облусунда жашаган залкар манасчынын талантына, өмүр жолуна кайрылабыз.
«Талант тагдыры» аттуу түрмөгүбүздүн бүгүнкү чыгарылышынын мейманы - эл артисти, айтылуу төкмө акын Эстебес Турсуналиев. Анын ар тараптуу, көп жактуу шайырдын ырчы-аткаруучулук чеберчилиги баарлашууну сунуш кылабыз.
Лондондогу Чыгыш жана Африка таануу институтунда Борбор Азия элдеринин музыкасы менен маданияты жөнүндө сабак бериле баштады. Этномузыка бөлүмүнүн студенттери байыркы доордон калган музыкалык мурастар менен таанышып, советтик мезгилдин, батыштын рок жана поп музыкасынын региондун маданиятына тийгизген таасири жөнүндө кеңири маалымат ала алышат. Кабарчыбыз Рон Синовиц өзбекстандык мугалим Разия Султанова менен ал окуткан дарстар жөнүндө маектешкен.
Дагы жүктөңүз
