ПРАГА. Дүйнө жүзүндөгү жүз миллиондогон мусулмандар бүгүн Орозо Айтты майрамдап жатышат. Орозо кармаган мусулмандар бир ай бою күндүз тамак жана суу ичпей, тамеки тартуудан жана жыныстык байланыштан карманып келишти. Орозо аяктагандан кийинки үч күнү мусулмандар, Эйд-ал-Фитрди, арабчадан которгондо Орозонун бүтүшүн белгилешет. Айт майрамы айдын жаңырышына жараша, ар кайсы жерде, ар кайсы убакка туш келет. Сауд Аравиясы менен Перс булуңундагы мамлекеттерде Орозо Айт кечээ башталды.
