Чыгыш Ооганстанда бир америкалык аскер өлтүрүлдү. Баграм авиабазасында жайгашкан америкалык аскерлердин жетекчилигинин айтымында, Пакистан менен чектеш Бактия провинциясында 21-декабрь күнү эртең менен аскерий күзөткө кол салынган жана жарат алган америкалык аскер кийин ооруканада операция жасалып жатканда каза болду. Акыркы эки күндүн ичинде Ооганстанда дагы эки америкалык аскер жарат алган, бардыгы болуп болсо, былтыртан бери антитеррордук аракеттер учурунда Ооганстанда 15 америкалык аскер набыт болду.
