НАРЫН. 7-январда «Чыгышэлектро» акционердик коомунун Нарын областындагы филиалынан алынган маалымат боюнча, карыздардын төлөнбөй жатышына калктын жана мекеме-ишканалардын төлөө мүмкүнчүлүктөрүнүн төмөндүгү жана техникалык жоготуулардын азайбай жатышы себеп болууда. Электр кубатынын уурдалышын азайтуу максатында электр эсептегичтерди сыртка чыгаруу белгиленген. Бирок акча каражаттарынын тартыштыгына байланыштуу, бул иштер бар болгону 35% аткарылган. Бүгүнкү күндөрдө эң көп карыз болгон аймак катары Кочкор району эсептелүүдө жана анын карызы 29 млн. 916 миң сомду түзөт.
Дамир Калыков