БИШКЕК. Учурда кыргызстандыктардын 50% өз каражатын сом түрүндө, 30% евро, 17% доллар түрүндө сактоого өттү. Бул тууралуу бүгүн «АКИ-пресс» маалымат агенттиги «Эксперт» консалтинг агенттигинин иликтөөсүнө шилтеме берип жазып чыкты. Агенттик Ирактагы согушка байланыштуу Ош жана Бишкек шаарынын тургундарына суроо салып, ушундай тыянакка келген. 2002-жылдын сентябрындагы сурамжылоодо кыргызстандыктардын басымдуу бөлүгү акчасын доллар түрүндө, 14% гана сом түрүндө сактаары аныкталган.
