БИШКЕК. АКШнын Улуттук демократиялык институту Кыргызстандагы ири саясий партиялар үчүн партиялык маселелер боюнча семинарларды уюштурууну көздөп жатат. Алардын алгачкысы 24-февралда «Менин өлкөм» партиясында өткөнү жатат. Партиянын кеңсесинен алынган маалыматка караганда, семинарда саясий партиялардын демократиялык коомдогу ордун жогорулатуу, жаңы мүчөлөрдү тартуу, партиялар тарабынан коомчулукка кайрылуунун жолдору сыяктуу маселелер талкууланат. АКШнын улуттук демократиялык институту тарабынан келерки семинарлар «Акыйкат жана прогресс» партиясында, «Эл үчүн» шайлоо блогуна кирген партияларда өтөөрү белгиленүүдө.
