Ирак массалык кыруучу курал жасап жатат деген маалымат жаңылыш экендигин АКШ мойнуна алды

ВАШИНГТОН. АКШнын мамлекеттик катчысы Колин Пауэлл Иракта массалык кыруучу куралдын бар экени тууралуу анын БУУнун Коопсуздук кеңешине берген маалыматы туура эмес болуп чыкканын мойнуна алды. Ал журналисттерге бул маалыматтар Борбордук чалгындоо башкармалыгынан алынгандыгын, Борбордук чалгындоо башкармалыгы эмне үчүн мындай такталбаган маалыматтарга таянганын комиссия текшерээрин билдирди.
Бул “Ирак тымызын массалык кыргын салчу курал жасап жатат” деген маалымат ага каршы согуштун башталышынын негизги себеби болгон.