Ооганстандагы шайлоо өтпөй да калышы мүмкүн

НЬЮ-ЙОРК. БУУ эгерде Ооганстандагы коопсуздук жакшырбаса быйылкы жылдын сентябрына белгиленген жалпы элдик шайлоо болбой калышы мүмкүн деп эскертти.

Кечээ БУУнун баш катчысынын орун басары Жан-Мари Генно Коопсуздук кеңешинде сүйлөп, ооганстандык жергиликтүү талаа командирлерин толук куралсыздандыруу зарыл экенин билдирди. Жан-Мари Геннонун айтымында, Ооганстандын айрым аймактарын көзөмөлдөгөн талаа командирлери элди коркутуп, адилет шайлоо өткөрүүгө мүмкүнчүлүк бербейт.