Германиянын парламент мүчөлөрү Бишкекте

БИШКЕК. Бүгүн Бишкекке Германиянын Бундестагынын вице-президенти Анти Фольмар жетектеген парламенттик делегация келди. Бундестагдын делегациясы Жогорку Кеңештин кош палатасынын төрагалары жана депутаттары менен жолугушат. Тараптар Германия менен Кыргызстандын парламентинин ортосундагы кызматташтыкты өнүктүрүү маселелерин талкуулашат.

Германиялык делегация президент Аскар Акаев, өкмөт башчы Николай Танаев менен да жолугат. Бул тууралуу парламенттин Мыйзам чыгаруу жыйынынын эл аралык байланыш боюнча комитетинин төрагасы Алишер Абдымомунов «Азаттыкка» маалымдады.