БИШКЕК. 5-сентябрда түнкү саат 10дон өткөндө Бишкек шаарынын Бөкөнбаев жана Үсөнбеков көчөлөрүнүн кесилишинде мурдагы «Абсолют» фирмасынын имаратынын жанында белгисиз бирөөлөр 34 жаштагы Токтосун Акматалиевди жана болжол менен 35-40 жаштагы Эмил аттуу адамды атып кетишкен. Бул тууралуу 6-сентябрда ички иштер министрлигинен билдиришти. Маалыматтарга караганда, атылган эки адам тең ошол эле жерден жан беришкен. Аларды атып кеткен кылмышкерлерди издөө Бишкек шаарынын ички иштер башкармалыгы жана шаардын Свердлов районунун ички иштер бөлүмү тарабынан жүргүзүлүүдө.
