Ариэль Шаронго кечээ дагы бир операция, дарыгелердин тили менен айтканда - трахеотомия жасалды. Дарыгерлер билдиришкендей, премьер- министр өз алдынча дем алуусу үчүн кекиртекке дем алуу трубкасын киргизүү максатында жасалган операция ийгиликтүү өттү. Ариэль Шарон кеңири инсульт деген диагноз менен ооруканага мындан 12 күн мурда түшкөн болчу. Ал мурдагыдай эле эс учуна келе элек. Даргелердин айтымында, абалы оор, бирок стабилдүү.
