БИШКЕК. 15 жыл аралыгында өлкө аймагындагы айылдык маданият үйлөрү 55,6 пайызга, өздүк көркөм чыгармачылыгынын катышуучуларынын саны 52,4 пайызга кыскарган. Ал эми 1031 китепкана мамлекеттик колдоого муктаж. Алардын фондун толуктоо үчүн жылына 4 млн. сом каражат талап кылынат. Бул маселе ишембиде Маданият министрлигинин коллегиясында козголду, деп билдирди маданият министри Султан Раев. Анын айтымында, искусство жана маданият тармагын көтөрүү максатында “100 долбоор” программасы министрлик тарабынан иштелип чыгып, аны ишке ашыруу аракеттери көрүлүүдө. Ал эми мамлекеттик бюджеттен маданият министрлигине каражат былтыркыга салыштырмалуу 18 млн. сомго аз бөлүнгөн.
