БИШКЕК. 9-февралда Коопсуздук Кеңештин жыйынында Президент Курманбек Бакиев Каракечедеги кырдаалдын жөнгө салынышы узак мөөнөткө созулуп бараткандыгын белгилеп, бул маселенин тез арада чечилишин тартип коргоо органдарына тапшырды. Бакиев элдин айрым учурларда өз алдынчалык аракеттерге барышы өлкөдө мыйзамдуулуктун камсыз кылынбай жаткандыгына байланыштуу болуп жаткандыгын белгиледи. Ошону менен бирге президент өлкодөгү кырдаал үчүн бир гана тартип коргоо органдары гана жооптуу эместиги тууралуу айтты.
