БИШКЕК. Кечээ түштөн кийин «Эркиндик» партиясынын Бишкек шаардык бөлүмүнүн жыйыны өтүп, анда мамлекеттик башкаруунун формалары талкууланды. Партия мүчөлөрү башкаруунун ар кайсы түрлөрүн талкууга алышып, азыркыдай өткөөл учурда Кыргызстанга президенттик башкаруу ылайыктуу деген жыйынтыкка келишти. Аталган партия ушул айдын 20сында республикалык бешинчи курулайын өткөрмөкчү. Бул тууралуу «Азаттыкка» партиянын жетекчиси Топчубек Тургуналиев 8-мартта билдирди.
