БИШКЕК. «Демократия жана атуулдук коом үчүн» коалициясы Балыкчы шайлоо округу боюнча Жогорку Кеңештин депутаттыгы үчүн Рысбек Акматбаевдин ат салышып жатканына тынчсызданууда. «Мыйзам талаптары боюнча Рысбек Акматбаев талапкер катары шайлоого катыша албайт. Бирок борбордук шайлоо комиссиясынын ага жасаган мамилеси түшүнүксүз»,- деп билдирди аталган уюмдун башчысы Эдил Байсалов бүгүнкү маалымат жыйынында. Эдил Байсалов ошондой эле Борбордук шайлоо комиссиясын аталган талапкерди шайлоодон четтетүүгө чакырды.
