БИШКЕК. Бүгүн кыргыз өкмөтүндө «Эмгек жана биримдик» партиясы иштеп чыккан “Беш ашуу” деп аталган экономикалык концепциясы талкууланды. Жыйында баяндама жасаган Юруслан Тойчубеков аталган концепция президент Курманбек Бакиевдин шайлоо алдындагы платформасынын негизинде түзүлгөнүн белгиледи. Бирок концепция өкмөт мүчөлөрүнүн сынына кабылып, айрым министрлер аны кабыл алуу туура эместигин белгилешти. Акырында өкмөт башчы Феликс Куловдун сунушу менен концепцияны кайра карап чыгуу үчүн жумушчу топ түзүлдү.
