БИШКЕК. 29-апрелде митинг учурунда башаламандыкка жана мыйзам бузууларга жол бериле турган болсо бийлик акциянын катышуучуларына күч колдонот. Юстиция министри Марат Кайыповдун пикиринде, башка атуулдардын өмүрүнө коркунуч алып келген же адамдык укугун буза турган жагдайлар түзүлө турган болсо аларга каршы колдонууга суу чачкан же түтүн чыгарган ж.б. атайын каражаттар жетиштүү. Айрым маалыматтарга караганда, 29- апрелдеги митингге 10 миңге чукул адам катышат.
