БИШКЕК. 29-апрелде Акүйдү басып алуу аракети боло турган болсо тартип коргоо органдары мыйзам чегиндеги, бирок катуу кадамдарга барышат, деп билдирди кечээ Курманбек Бакиев. Мамлекет башчы жабырлануучулар да болуп калуу ыктымалдыгын жокко чыгарбайт, андыктан толук жоопкерчилик уюштуруучулардын мойнунда болоорун эскертет. Митингди уюштуруу штабынын лидерлеринин бири Кубатбек Байболов билдиргенге караганда, 29- апрелде мыйзамсыз кадамдарга жол берилбейт.
