БИШКЕК. Президент Курманбек Бакиев кечээ демократиялык жараяндарды өнүктүрүү жөнүндө жарлыкка кол койду. Ага ылайык өкмөткө оппозициялык күчтөрдүн ишмердиги, ага кепилдиктер тууралуу мыйзам долбоорун иштеп чыгуу тапшырылды. Ошондой эле мамлекет башчы массалык маалымат каражаттарын мамлекет тараптан колдоого алуу, журналисттерге басым жасоону токтотуу боюнча мыйзамдарды иштеп чыгууну да тапшырды. Жогорудагы мыйзамдарды иштеп чыгууга өкмөт атуулдук коом өкүлдөрүн, саясий партияларды, депутаттарды тартышы керек.
