БИШКЕК. Сөз эркиндиги тууралуу жалындуу сөздөрдү сүйлөгөн азыркы бийликтин НТС каналын региондордон алып коюшу түшүнбөстүктөрдү жаратууда. «Менин өлкөм» саясий партиясы НТС телеканалына байланышкан кырдаалга тынчсызданып, бул окуяны бийликтин эркин телеканалдын жолун буу менен элет жериндеги калктын туура маалымат алуу укугунан ажыратуу аракети катары баалады. НТС каналы 1-майдан тарта региондордо көрсөтүлбөй, анын ордуна ЭлТР коомдук телеканалы чыга баштады.
