БИШКЕК. 6-августтан бери Казакстан, Кыргызстан, Тажикстан, Өзбекстан, Орусия мамлекеттери өз чегараларында «Марзбон 2006» атайын операциясын ишке ашырууда. Операция террорчулардын, террорго пайдаланылуучу курал-жарактардын, баңги заттардын, мыйзамсыз мигранттардын чегара аркылуу өтүшүнө бөгөт коюу максатын көздөйт. КМШ уюмунун алкагында өтүп жаткан бул операцияга Тажикстан көзөмөлдүк кылууда. Операция ишин 11-августта аяктайт. Бул тууралуу Бишкекте уюштурган маалымат жыйынында Кыргыз чегара кызматынын башчысы Закир Тиленов билдирди.
