Орусия БУУнун Коопсуздук кеңешине Израил – "Хезболла" урушун гуманитардык максатта 72 саатка токтотуу боюнча резолюция сунуш кылууда

Орусиянын БУУдагы өкүлү Виталий Чуркиндин айтымында, мындай кадам дүйнөнүн ири державалары чатакты биротоло токтотуу боюнча резолюция долбоорун макулдаша албай жатканын байланыштуу. Орусия өкүлү белгилегендей, ок атышуунун 72 саатка токтошу гуманитардык иштерди жүргүзүүгө мүмкүндүк берет. Израилдин БУУдагы элчиси Дан Гиллерман бул сунушту четке какты.

Ал эми Кошмо Штаттардын БУУдагы өкүлү Жон Болтон Ливанда урушту биротоло токтотуу үчүн АКШ-Франция даярдаган резолюция боюнча
макулдашуу жетишилип, документ бүгүн кечте добушка салынарына ишеним билдирди.