БИШКЕК. 17-сентябрда Жалалабат облусунун Аксы районунда өтө турган cегизинчи элдик курултайга даярдык иштери “Асаба” партиясы жана “Реформа үчүн” кыймылы тарабынан көрүлө баштады. Бул тууралуу “Асаба” партиясынын төрагасы Азимбек Бекназаров билдирди. Курултайда март ыңкылабынан кийинки бийликтин ишине саясий баа берилет. Бекназаров билдиргендей, эгерде бийлик 27-майда Бишкекте өткөн митингде коюлган талаптарды аткарбаса, эл кайрадан бийликтин отставкасын талап кылып, массалык нааразылык акцияларга чыгышы ыктымал.
