БИШКЕК. Кыргыз Республикасынынын президентине караштуу мамлекеттик тил боюнча улуттук комиссиянын иши Жогорку Кеңеште каралууга тийиш. Соңку мезгилде аталган комиссиянын ишмердүүлүгү саясатташып кетти. Мындай пикирин бүгүн парламенттин төрага орун басары Таирбек Сарпашев билдирди. Ал белгилегендей, учурда коомчулукта орус тилине байланыштуу айрым терс көз караштардын пайда болушуна да тил комиссиясынын таасири бар. Бул комиссиянын төрагасы Ташбоо Жумагулов мындай пикирди четке кагып, комиссия “Мамлекеттик тил жөнүңдөгү” мыйзамды жүзөгө ашыруу багытында иш жүргүзүп жаткандыгын “Азаттыкка” билдирди.
