Кыргызстандын Эл аралык университетинин Эл аралык жогорку медициналык окуу жайында окуп жатышкан пакистандык 70 студент Улуттук коопсуздук кызматына, Ички иштер министрлигине кайрылуу жолдошкон. Алар аталган окуу жайдын диплому Пакистанда жараксыз экендигин, окуу жай коррупциялашканын айтышып, бөлөк окуу жайга которуу талабын коюшкан. Бул маселе бейшембиде билим, илим жана жаштар саясаты боюнча министри Досбол Нур уулу менен Пакистандын элчиси Мохаммад Алам Брохи менен болгон жолугушууда талкууланды. Бул тууралуу аталган министрликтин басма сөз кызматынан бүгүн билдиришти.
