БАГДАД. Ирактын аппеляциялык сотунун чечими боюнча Саддам Хусейинге чыгарылган өлүм өкүмү күчүндө калтырылып, ал 30 күндүн ичинде ишке ашырылмак болду. Сот Саддам Хусейинди адам баласына каршы кылмыш кылгандыктан күнөөлүү деп тапты. Вашингтондогу Ак үй Хусейинге чыгарылган өкүмдү кубаттап, өлкөдө канкор башчынын бийлигин мыйзам бийлиги менен алмаштырууга жол ачылды деп билдирди. Эмнести Интернешинел укук коргоо уюму Саддам Хусейинге чыгарылган өкүмдү адилетсиз деп атап, өлүм өкүмүн ишке ашырбоого чакырды.
