“Өкмөт башчылыгына бекиш-бекибеши анык болмоюнча, биз Феликс Куловду сотко бербейбиз”. Жаштардын саясий “Жебе” кыймылынын мүчөсү Жоомарт Сапарбаев бүгүнкү маалымат жыйынында мына ушундай билдирүү жасады. Анын айтымында, мындай чечим азыркы өлкөдөгү кырдаал жөнгө салынмайынча деп кабыл алынды. Жаш саясатчылар Феликс Кулов аларды коррупцияланган, “көмускөдөгү” структураларга байланышы бар деп айтканына теригип, сотко бергени жаткандыктарын 11-январда эле билдиришкен. (ElenK)
