Арыз бүгүн Биринчи май райондук сотуна тапшырылмакчы. Аталган уюмдун башчысы Азиза Абдрасулованын «Азаттыкка» билдиргенине караганда, ага өкмөт аппараты ХИПК маселесин талкуулаган жыйындын стенограммасын «жашыруун» деп, берүүдөн баш тартышы себеп болууда. Укук коргоочу мындай четке кагууну конституцияга каршы жана жарандардын маалымат алуу укугун бузгандык катары баалоодо. Уюм жыл башында өкмөткө Кыргызстандын ХИПК программасына кирүүсүн талкуулаган 15-декабрдагы жыйындын стенограммасын сурап кайрылган.(SM)
